Tað var ikki bara munurin millum gull og silvur, tá Magdeburg vann Champions League finaluna 32-26 (16-12) á Hákuni West av Teigum og hansara liðfeløgum í Füchse Berlin.
Fyri luttøkuna sum vinnandi liðið í FINAL FOUR fær Magdeburg 300.000 evrur. Tað svarar til 2,23 miljónir krónur í okkara peningi.
Sum tveyari í FINAL FOUR fær Füchse Berlin 225.00 evrur. Tað svarar til 1,67 miljónir krónur í okkara peningi.
Ikki er talan um ørandi upphæddir Magdeburg og Berlin fáa, um vit samanbera hvat liðini fáa í Champions League í fótbólti.
Vinnarin av Champions League í fótbólti, Paris Saint Germain fær 25 miljónir evrur. Tað svarar til 186,4 miljónir krónur í okkara peningi.
Tveyarin, Inter Milan fær 18,5 miljónir evrur. Tað svarar til 137,9 miljónir krónur í okkara peningi.
