Flestu dystirnir í CapitalOne steypakappingini endaðu sum væntað, men sum vanligt er í enskum steypakappingum, er altíð okkurt óvæntað úrslit.
Fremst í so máta stóð nýliga uppflutta Sheffield Wednesday, sum vann 1-0 á heimavølli móti Fulham úr Premier League. Wednesday spælir í Championship.
Kanska meira undrunarvert var tað, at Swindon frá championship á útivølli vann á Stoke 4-3 eftir longda leiktíð. James Collins (myndin) skoraði sigursmálið.
Eitt minst líka óvæntað úrslit var tó, at Burton Albion úr League Two vann heili 4-2 á útivølli móti championship felagnum, Leicester.
Eisini League One felagið, Milton Keyes Dons vann á einum championship felag, nevniliga 2-1 á Blackburn.
Hinvegin fingu fleiri Premier League lið sín fyrsta sigur á árinum. Aston Villa vann 3-0 á Tranmere, Norwich vann 2-1 á Scunthorpe, QPR vann 3-0 á Walsall, Southampton vann 4-1 á útivølli móti Stevenage, Sunderland vann 2-0 á Morecambe og Reading vann 3-2 á Peterborough.
Swansea vann aftur, men tað sum QPR og West Ham ikki megnaðu, megnaði Barnsley, nevniliga at skora móti walisunum. Dysturin endaði 3-1.
Stóru yvirraskilsini komu í skotslu steypakappingini, har Stenhousemuir úr triðbestu deildini á útivølli sendi SPL-liðið Kilmarnock úr kappingini 2-1, og Queen of the South, somuleiðis úr triðbestu deildini, á heimavølli sló Premier League Hibernian út 2-0.
Fýra av dystunum endaðu javnt og máttu út í eyka tíð, tí dystirnir skulu avgerast, og umframt sigurin hjá Swindon, vann carlisle 2-1 á Ipswich, meðan Coventry vann 3-2 á Birmingham.
Seinasti dysturin mátti avgerast við brotssparkskapping eftir 1-1 millum Burnley og Plymouth. Burnley vann 3-2.
Úrslitini eru:
Aston Villa-Tranmere 3-0
Burnley-Plymouth Argyle 4-3 (brts)
Carlisle-Ipswich 2-1 (et)
Coventry-Birmongham 3-2 (et)
Crawley-Bolton 2-1
Doncaster-Hull 3-2
Gillingham-Middlesbrough 0-2
Leeds-Oxford 3-0
Leicester-Burton Albion 2-4
Milton Keynes Dons-Blackburn 2-1
Norwich-Scunthorpe 2-1
Nottingham Forest-Wigan 1-4
Preston North End-Crystal Palace 4-1
Queens Park Rangers-Walsall 3-0
Sheffield Wednesday-Fulham 1-0
Stevenage-Southampton 1-4
Stoke-Swindon 3-4 (et)
Sunderland-Morecambe 2-0
Swansea-Barnsley 3-1
Watford-Bradford 1-2
West Ham-Crewe Alexandra 2-0
Reading-Peterborough 3-2
Yeovil-West Bromwich 2-4
