Full ferð á NSÍ og KÍ

Tað er ikki so ofta, at KÍ ikki er ovast á støðutalvuni. Men soleiðis er tað nú. KÍ hevur eftir tvey umfør fulla úrtøku og málmunin 13 – 0. Men NSÍ hevur eisini fulla úrtøku, og málmunurin hjá NSÍ er 14 – 0.

Í dag vann KÍ 2-0 á heimavølli ímóti B36. Tølini siga, at KÍ hevði seks royndir ímóti málinum hjá B36, meðan B36 hevði eina roynd á KÍ málið.

Miðvallarin Eyðvør Klakstein var eyðsýnd á KÍ liðnum, og tað var hon, sum tveir minuttir undan steðginum legði heimaliðið á odda. Uppleggið átti Tórun Højgaard Joensen.

Ein tími var farin, tá ið miðverjin Birita Ryan eftir hornaspark økti til 2-0, sum varð úrslitið.

Í gjár var NSÍ suðuri í Vági, og tað endaði við 11-0 sigri til gestirnar. Heidi Sevdal misnýtti brotsspark og skoraði fimm mál. Hon er toppskjútti og hevur longu skorað átta mál.

Í gjár vann 07 Vestur 5-2 á útivølli ímóti EBS/Skála, sum átti heimavøll undir Mýruhjalla á Skála. Margit Kwao og Lisa Haraldsen vóru tvímálaskjúttar, og Mona Poulsen skoraði eitt mál. Mona Poulsen hevur spælt 28 dystir í bestu deildini, og málið í gjár var nummar tvey hjá henni í bestu deildini.

Dysturin millum HB og Víking verður 10. mai.

HB hevur enn ongan dyst spælt. Dysturin í fyrsta umfari á útivølli ímóti HB er útettur til týskvøldið 26. apríl klokkan 19.

-

KÍ – B36 2-0 (1-0)

1-0: Eyðvør Klakstein 43.

2-0: Malena Olsen 61.

-

EBS/Skála – 07 Vestur 2-5 (2-3)

0-1: Margit Kwao 3.

0-2: Margit Kwao 4.

0-3: Mona Poulsen 14.

1-3: Sunnvá Fagradal 25.

2-3: Sunnvá Fagradal 45.

2-4: Lisa Haraldsen 53.

2-5: Lisa Haraldsen 73.

-

TB/FCS/Royn – NSÍ 0-11 (0-6)

0-1: Monika Samuelsen 8.

0-2: Heidi Sevdal 10.

0-3: Heidi Sevdal 17.

0-4: Monika Samuelsen 19.

0-5: Heidi Sevdal 23.

0-6: Heidi Sevdal 45.

0-7: Heidi Sevdal 55.

0-8: Mirjam Huneck 62.

0-9: Sara Lamhauge 80.

0-10: Rúna Olsen 82.

0-11: Sara Lamhauge 89.

-

Leygardagin 22. apríl

07 Vestur – TB/FCS/Royn

Sunnudagin 23. apríl

NSÍ – HB

Víkingur – KÍ

B36 – EBS/Skála