Haakon krúnprinsur tók lut í hátíðarhaldinum í Oslo eftir, at Noreg vann á Brasil og spældi seg í HM-fjórðingsfinaluna. Mynd: Javad Parsa/Ritzau Scanpix.

Tíðindi

Fyrsta myndin av Mette-Marit eftir lungnatransplantatión

Norska kongshúsið hevur almannakunngjørt fyrstu myndina av krúnprinsessu Mette-Marit, síðani hon í juni fekk eina lungnatransplantatión. Myndin varð deild eftir, at Noreg hevði spælt seg í HM-fjórðingsfinaluna í fótbólti.

Haakon krúnprinsur tók lut í hátíðarhaldinum í Oslo eftir, at Noreg vann á Brasil og spældi seg í HM-fjórðingsfinaluna. Mynd: Javad Parsa/Ritzau Scanpix.

Haakon krúnprinsur tók lut í hátíðarhaldinum í Oslo eftir, at Noreg vann á Brasil og spældi seg í HM-fjórðingsfinaluna. Mynd: Javad Parsa/Ritzau Scanpix.

Á myndini síggjast Haakon krúnprinsur og Mette-Marit krúnprinsessa sita saman í einari sofu á Slottinum við einum Noregs-hálsturriklæði.

 

Tað skrivar norska tíðindastovan NTB.

 

Á Instagram skrivar norska kongshúsið, at øll kongsfamiljan fylgdi spent við HM-dystinum, har Noreg vann á Brasil.

 

– Í gjárkvøldið varð søga skrivað. Hjartaliga tillukku til landsliðið, hjálparfólkini og alt Noreg við fantastiska avrikinum, skrivar kongshúsið.

 

Eftir sigurin fór Haakon krúnprinsur út á Slottsplassen í Oslo og tók lut í stóru fólkafagnaðinum saman við umleið 100.000 øðrum.

 

Krúnprinsessa Mette-Marit hevur síðani 2018 stríðst við kroniska lungnasjúkuna lungnafibrosu. Hin 5. juni boðaði kongshúsið frá, at hon var sett á bíðilista til lungnatransplantatión, og 17. juni varð upplýst, at skurðviðgerðin hevði eydnast væl.

 

##med2##

 

/Ritzau/

 

Mest lisið

Sligin við fløsku og sparkaður í høvdið

Afturhildin á flogvøllinum fyri virksemi í Føroyum

Løgreglan fann kvinnuna sum skar við glasi

Tíðargrein: Kom avstað, vit gera tað í dag

Kanska koma brunateknikarar úr Danmark

Haakon krúnprinsur tók lut í hátíðarhaldinum í Oslo eftir, at Noreg vann á Brasil og spældi seg í HM-fjórðingsfinaluna. Mynd: Javad Parsa/Ritzau Scanpix.