H71 er eisini vinnari í aldursbólkinum gentur 12. Tær vunnu 8-5 á VÍF, sum tó gav gentunum úr Hoyvík ein skarpan gang.
Les eisini: (Gentur 10) H71 vann í umdysti
Tað komu ikki so nógv mál í dystinum, sum til tíðir var nakað rótutur Tað bleiv ikki heilt spennandi móti endanum, tí H71 var á odda við trimum seinastu løtuna. Hondbóltssambandið valdi Elsu Egholm úr H71 sum besta spælara í dystinum.
Les eisini:(Dreingir 10) H71 steypavinnari
Hetta steypavikuskiftið fer í søguna, sum eitt stórt vikuskiftið fyri H71. Higartil hevur H71 vunnið fýra av fimm steypafinalum. Einasta finalan, sum H71 ikki hevur luttikið í og vunnið, er steypafinlan hjá kvinnum, har Neistin vann á VÍF.
Tó er líkt til, at H71 hevur eina bjarta framtíð í kvinnudeildini, tí H71 hevur nú vunnið í aldursbólkunum gentur 10 og gentur 12.
