H71 vann ta triðju steypafinaluna higartil í dag, tá gentur 14 hjá hoyvikingum vunnu sannførandi móti Neistanum í Faxe Kondi steypakappingini. Úrslitið var 19-8 til H71.
Tað var ongantíð nakar ivi um um úrslitið. H71 legði seg á odda beinanvegin, og Neistin kláraði als ikki at svara aftur. Í hálvleikinum var H71 frammanfyri við seks málum. Hálvleiksstøðan var 10-4.
Í seinna hálvleiki øktist munurin alla tíðina, og endaliga úrslitið varð, at H71 vann 19-8.
Elsa Egholm úr H71 varð kosin til dagins leikara.
Málskjúttar hjá H71: Jana Mittún 8, Lív Rúnadóttir 5, Elsa Egholm 4, Brynhild Pálsdóttir 1, Inga Maria Joensen 1.
Málskjúttar hjá Neistanum:
Børka Jørgensen 3, Hervør Niclasen 1, Katrina Mortansdóttir 1, Bjørk F. Joensen 1, Elin Niclasen 1, Frida H. Jacobsen 1.
Steypafinalur í Faxe Kondi steypakappingini í hondbólti 2018:
Gentur 14 ár:
Úrslit: 19-8 til H71 móti Neistanum
Dagsins leikari: Elsa Egholm úr H71
Dreingir 12 ár:
Úrslit: 17-12 til H71 móti VÍF
Dagsins leikari: Óli Mittún
Gentur 12 ár:
Úrslit: 18-14 til H71 móti STÍF
Dagsins leikari: Jóhanna Sørensen úr H71
Dreingir 10 ár:
Úrslit: 11-9 til Neistan móti VÍF
Dagsins leikari: Lýðar í Dímun úr Neistanum
Gentur 10 ár:
Úrslit: 13-12 til VÍF móti Kyndli
Dagsins leikari: Rakul Borgarlíð Joensen úr VÍF
