VÍF vann oddadystin í hvonndeildini ímóti Kyndli í stórhøllinni á Hálsi rættiliga trygt 21-15 (12-8).
Sambært høvuðsvenjaranum hjá VÍF, Inga Olsen var tað sera týðandi, at verjan hjá VÍF stóð seg so væl. Samstundis sum verjan avrikaði væl vaks sjálvsálitið hjá VÍF-spælarunum. Ingi Olsen vil eisini framhevja Kristinu Graksaite í málinum, sum stóð sera væl í dag, og eisini bjargaði brotskøstum.
Fyri nøkrum døgum síðani tá VÍF tapti 29-32 ímóti Kyndli royndi VÍF seg við einari 5-1 verju, og tað høvdu vestmannakvinnur lært av til dystin í dag.
TRÝST á PÍLIN undir MYNDINI, og hoyr samrøðuna Hilmar Jan Hansen hevði við Inga Olsen aftaná 21-15 sigurin hjá VÌF á Kyndli.
Norðuri í Klaksvík vann Stjørnan 31-18 (17-12) á StÍF.
