Tað er boðað frá grind á Gøtuvík í morgun, og hildið verður, at talan er um einar 40 til 50 hvalir.
Sambært løgregluni er grindin í løtuni stødd innan fyri aliringarnar á víkini.
Nú grindin helst verður hildin til í Syðrugøtu um eina løtu, lýsir sýslumaðurin við, hvussu stórt grindaøkið í Syðrugøtu er.
- Grindaøkið er ein fjórðing í allar ættir, og hetta fevnir eisini um loftrúmið yvir Syðrugøtu.
Tað sigur vaktleiðarin á løgreglustøðini, sum sýslumaðurin hevur biðið borið boðini um grindaøkið í morgun.
Hetta merkir, sigur løgreglan, at eingin óviðkomandi eigur at koma inn á økið.
- Hvørki meðan grindin verður hildin til, og meðan arbeiðið við grindini fer fram, verður lagt aftrat.
