Tað verður tí skipað ein samstarvsnevnd við ráðharrum og embætisfólki úr londunum, har trygdar- og verjuøkið verður í miðdeplinum.
– Hetta skal síggjast í ljósinum av, at heimurin broytist, og Ríkisfelagsskapinum skal á tilsvarandi hátt broytast, sigur Mette Frederiksen, forsætisráðfrú við Ritzau tíðindastovuna.
##med2##
Hetta er fyrsti ríkisfundur, síðani nýtt landsstýrið varð skipað í Gørnlandi – sum á grønlendskum eitur Naalakkersuisut.
Avgerðin um at geva Føroyum og Grønlandi størri og virknari lut í ríkisfelagsskapinum fær Múte Bourup Egede, landsstýrisformann, at fegnast.
##med3##
– Eg eri fegin um, at vit fáa størri og meiri týðandi lut. Tað hevur leingi verið ynskið í Grønlandi, sigur Múte Bourup Egede.
Á ríkisfundinum vóru forsætisráðfrúan, Mette Frederiksen, Bárður Nielsen, løgmaður og Múte Bourup Egede, landsstýrisformaður.
Ríkisfundirnir millum stjórnarleiðararnar í ríkinum verða hilnir eina ferð um árið í Danmark, Grønlandi og Føroyum, og endamálið er at tosa um viðkomandi mál innan ríkisfelagsskapin.
/ritzau/
##med4##
