Ein av lyklaleikarunum í felagnum, ein miðverja úr Kamerun, er blivin skaddur og felagið hevur brúk fyri einum avloysara umgangandi.
Pieta Hotspurs FC er eitt lutfaldsliga lítið felag, men hevur stórar planir.
– Felagið sjálvt er rættuliga litið, og áskoðarnir eru ikki nógvir til dyst, men eg skilji á lagnum at figgjarliga, so er hetta felagið væl fyri, og hava stórar ambitiónir komandi árini, sigur Høgni Madsen úr Malta.
Liðið er ungt og minnur Høgna um KÍ liðið, sum flutti upp í bestu deildina í 2010.
– Liðið sjálvt minnir meg nógv um KÍ liðið, ið á sinni vóru í 1 deild. Ungir og evnaríkir leikarar við tveimum ella trimum royndum leikarum.
Venjarin er Edmond Lufi og kemur úr Albania.
Pieta Hotspurs liggur nummar tvey í næstbestu deildini nú fimm umfør eru spæld. Felagið ynskir tí, at Høgni spælir við til vetrarsteðgin, tá hann so kemur aftur til Føroyar at spæla við ÍF.
