Hallur Hansson var 88 minuttir á vøllinum í sínum fyrsta dysti fyri søguríka felagið, KR í bestu íslendsku fótbóltsdeildini í kvøld.
KR vann greiðan 4-1 sigur á Fram á útivølli. Longu tá 27 minuttir vóru farnir var KR á odda 3-0.
Fram-KR 1-4 (0-3)
0-1 Stefán Árni Geirsson (10. mín.)
0-2 Finnur Tómas Pálmason (14. mín.)
0-3 Stefan Ljubicic (27. mín.)
1-3 Már Ægisson (62. mín.)
1-4 Sigurður Bjartur Hallsson (87. mín.)
Komandi mánakvøld tekur KR móti Breiðablik á heimavølli.
Hallur gjørdist einasti føroyingurin sum fekk fullan pott í fyrsta umfarinum í bestu íslendsku fótbóltsdeildini fyrsta umfarið.
Gunnar Nielsen og liðfelagarnir í FH taptu 1-2 fyri meistaraliðnum, Víkingi. Patrik Johannesen fekk pyntað um úrslitið hjá sínum liði, men Keflavík var fyri 1-4 tapi móti Breiðablik.
Kaj Leo í Bartalsstovu og liðfelagarnir á Akranesi fingu javnleik 2-2 á útivølli móti Stjørnuni. Kaj Leo javnaði til 2-2 tá 87 minuttir vóru farnir av dystinum.
