Ein av oddamonnunum í Hamas, Sami Abu Zuhri, sigur, at nýggi forsetin í USA, Donald Trump, verður vigaður eftir, hvørt hann fer at halda sítt lyfti ella ei.
Eins og við krígnum í Ukraina, segði Donald Trump undan forsetavalinum, at hann kundi steðga krígnum í Miðeystri eftir nøkrum tímum, um hann varð valdur.
- Vit heita á nývalda forsetan um at læra av mistøkunum hjá Joe Biden, sigur Sami Abu Zuhri við tíðindastovuna, Reuters.
Hamas-leiðarin leggur aftrat, at tapið hjá Kamalu Harris á forsetavalinum er ein avleiðing av "kriminella" hugburðinum hjá demokratunum um Gazageiran.
