Kl. 10:41 í dag fráboðaði skiparin umborð á Hasfjord, at Hasfjord hevði fingið maskinsteðg, og teir lógu uttanfyri ferjuleguna á Gomlurætt.
Arbeitt varð við at fáa Hasfjord sleipaðan útum ferjuleguna, soleiðis, at Teistin kundi leggja at á Gomlurætt. Bert smávegis seinking var í ferðaætlanini hjá Teistanum; kl. 11:16 hevði Teistin lagt at og tømt skipið, fekk síðani ferðafólk og bilar umborð og setti kós móti Skopun aftur.
Hvussu verður við siglingini í morgin er framvegis ógreitt, men kunna verur um hetta skjótast til ber, skrivar SSL m.a. á ssl.fo.
