Tað var Elin Olsen í Syðrugøtu, sum fekk fulla plátu í Gekka-spælinum í kvøld og slapp at snara gekka-hjólinum. Maður hennara, Óla Hans Olsen, var fjarritari.
Elin valdi at deila høvuðsvinningin á 2,4 miljónir krónur í teir tríggjar leyparnar við 800.000 krónum í hvørjum leypi, og tað gjørdist ivaleyst eitt gott val fyri hjúnini bæði.
Í fyrsta drátti steðgaði hjólið á 15.000 krónum, sum faldað við fimm hevði givið Elini Olsen 75.000 krónur. - Eg haldi, hon vil prøva einaferð aftrat, segði Óla Hans Olsen.
- Púra beint, segði gekka-verturin í kvøld, Jensina Olsen.
Í øðrum drátti steðgaði hjólið á 10.000 krónum, sum faldað við trý hevði givið konuni í Syðrugøtu 30.000 krónur.
- So koyra vit einaferð aftrat, segði Óla Hans Olsen, tá konan hevði givið honum grønt ljós at bera Jensinu Olsen tey boðini.
Í triðja og seinasta drátti steðgaði gekka-hjólið so beint á bláa leypinum, har heilar 800.000 krónur vóru í.
Tað var ein fegin - men eisini ógvuliga sinniligur - fjarritari, Óla Hans Olsen, sum nú helt fyri, at hetta er gott aftrat, sum hann tók til.
Í skemti reisti hann eisini spurningin, um blái leypurin mundi fara merkja, at KÍ vinnur føroyameistaraheitið í morgin.
