Sambært avtaluni fíggjar Tórshavnar kommuna pall, ljós, ljóð og trygdartiltøk, herundir samarittar og ferðslutrygdartiltøk og annað, í sambandi við skrúðgonguna hjá LGBT+ upp undir ólavsøku, í mesta lagi 100.000 krónur í trý ár – t.e. 2025, 2026 og 2027.
Síðan Pride-skrúðgongan hjá LGBT+ Føroyum varð gingin fyrstu ferð í 2005, er hon vaksin til at vera eitt av størstu einstøku tiltøkum um ólavsøkuna, og vanliga eru fleiri túsund fólk við í skrúðgonguni og til tey tiltøk, sum eru í sambandi við skrúðgonguna.
