Seinnapartin verður 10. umfar í næstbestu fótbóltsdeildini. Eftir fyrsta triðingin er TB greitt oddalið, og FC Suðuroy er eisini á uppflytingarplássi.
Merkisvert er, at tað eru sigursvandu feløgini HB og KÍ, sum eru á niðurflytingarplássunum.
KÍ hevur vunnið eina ferð, og HB eigur framvegis fyrsta sigurin til góða.
Í dag fær KÍ vitjan av B36, ið er næstovast, og sum klaksvíkingar fyrr í ár í Gundadali taptu 8-1 ímóti. HB skal spæla á útivølli ímóti EB/Streymi, sum fyrr í ár vann 2-1 í Gundadali.
TB, sum framvegis hevur fulla úrtøku, er á veg til Runavíkar. Tá ið NSÍ vitjaði í Trongisvági var úrslitið 3-1 heimasigur.
FC Suðuroy er á veg til Leirvíkar. Merkisvert er tað, at Víkingur ikki enn hevur verið á Vágseiði. Dysturin í 3. umfari varð útsettur. Hann verður spældur 1. juni.
07Vestur tapti í 3. umfari 2-0 á heimavølli ímóti AB. Síðani hevur pílurin víst rætta vegin í Vágum, meðan fótbóltslagið onkuntíð hevur verið betri á Argjum, enn tað nú er. Í dag verður møguleiki hjá 07Vestur á Argjum at siga takk fyri seinast.
10. umfar
KÍ-B36: Kári J. á Høvdanum kl. 15.00
Víkingur-FC Suðuroy: Bent Tommy Linklett kl. 15.00
NSÍ-TB: Johan Petur Michelsen kl. 13.00
EB/Streymur-HB: Bjarki Danielsen kl. 13.00
AB-07Vestur: Ransin N. Djurhuus kl. 15.00
Støðan undan 10. umfari
TB 27
B36 21
FC Suðuroy 16
07Vestur 16
NSÍ 12
AB 11
Víkingur 9
EB/Streymur 7
KÍ 5
HB 2
FC Suðuroy og Víkingur hava spælt 8 dystir, og hini liðini hava spælt 9 dystir.
