Í opnum brævi til Landsverk undrast landsstýrismaðurin í heilsumálum, Hans Pauli Strøm, á, at fólk skulu renna og súkkla aftaná at bilafylgi fyrst er farið ígjøgnum Hovstunnilin, tá hann letur upp í dag. Hans Pauli Strøm, landsstýrismaður skrivar í brævinum:
Eri afturkomin av arbeiðsørindum í kvøld, fríggjakvøld, og í samband við at
Hovstunnilin letur upp leygardagin, síggi eg í lýsing frá Landsverk, at
aftaná hornorkestur, røður og snóraklipping ?fer bilafylgi gjøgnum tunnilin.
Aftaná koma motorsúkklur, súkklur og rennarar og fólk til gongu?.
Her má onkur álvarslig misskiljing vera, tí ikki kann tað vera meiningin at
fólk skulu koma rennandi og til gongu aftaná bilar og motorsúkklur. Sum
landsstýrismaður í heilsumálum haldi eg ikki at tað ber til at bjóða fólki
hetta. Tí vænti eg sjálvandi at raðfylgjan verður tann øvugta: at fyrst fara
fólk, sum skulu ganga og renna, og so koma bilar og motorsúkklur aftaná.
Soleiðis var tá Vágatunnilin og Norðoyatunnilin lótu upp - sama má vera
galdandi fyri Hovstunnilin.
Vinarliga
Hans Pauli Strøm,
landsstýrismaður í almanna- og heilsumálum
