Aftaná tríggjar sigrar í trimum dystum, so bíðaði mest torføra uppgávan í kvøld hjá føroyska manslandsliðnum í kurvabólti.
Føroyar spældu í kvøld dystin um gullið á kurvabólts-oyggjaleikunum á Ynys Mon. Føroyar máttu lúta 56-73 fyri vertstjóðini.
Í hálvleikinum var Ynys Mon á odda 40-23, so Føroyar megnaðu javnleik 33-33 í seinna hálvleiki.
Ynys Mon hevur higartil vunnið allar fýra dystirnar í kappingini, og teir kunnu ikki takast á fyrsta plássinum.
Føroyar spæla seinasta dystin í kappingini í morgin klokkan 11.30 móti Falklandsoyggjunum. Líkamikið hvørjum úrsliti tann dysturin endar við, so vinna Føroyar silvur í kappingini.
