Luttakararnir í X Factor skulu syngja danskar sangir í kappingini fríggjakvøldið.
Jógvan Joensen er einasti luttakarin, sum dómarin Lina Rafn hevur eftir í kappingini, og tey bæði hava avgjørt, at Jógvan skal syngja ein kendan poppsang hesaferð.
Tað er sangurin Når Tiden Går Baglæns hjá Clara Sofie og Rune RK. Hetta var eitt stórt dance-hitt fyri nøkrum árum síðani. Spurningurin er so, hvussu sangurin fer at ljóða, tá ið Jógvan tulkar hann.
Seks luttakarar eru nú eftir í X Factor kappingini, men í annaðkvøld verða tey fimm.
Hetta eru sangirnir, tey syngja fríggjakvøldið:
• Jógvan: ’Når tiden går baglæns’ hjá Clara Sofie & Rune RK
• Emilie Esther: ’Glimpse of a Time’ hjá Broken Twin
• Baraa Qadoura: ’Better Than Yourself (Criminal Mind Pt. 2)’ hjá Lukas Graham
• Tannaz Hakami: ’I Danmark er jeg født’ hjá Isam B
• Citybois: ’Lørdag aften’, Ukendt Kunstner
• Ivarsson, Bang & Neumann: ’Comforting Sounds’ hjá Mew
