Lars Olsen hevur havt sín seinasta fund við spælarunum, áðrenn dystin móti Aserbadjan, og nú er greitt, hvørjir teir fyrstu ellivu verða, ið venjarin sendir á vøllin frá byrjan, skrivar FSF.fo.
FM1 hevur landsliðsradio í allan dag - trýst HER
Klokkan 19:45 í kvøld byrjar UEFA Nations League dysturin millum Føroyar og Aserbadjan á Tórsvølli. Føroyski hópurin kom saman mánadagin, og síðani hava fýra venjingar verið á skránni undan dystinum móti Aserbadjan.
Les eisini: Her er føroyska liðið
Sostatt er føroyska liðið væl fyrireikað til stóru uppgávuna á Tórsvølli, og nú er greitt, hvørjir teir fyrstu ellivu verða, ið landsliðsvenjarin, Lars Olsen sendir á vøllin frá byrjan.
Gunnar Nielsen verður í mál, og í verjuni verða Gilli Rólantsson Sørensen, Atli Gregersen, Odmar Færø og Viljormur Davidsen. Á miðvøllinum verða Jóan Símun Edmundsson, Rene Shaki Joensen, Hallur Hansson, Kaj Leo í Bartalsstovu og Brandur Hendriksson Olsen. Fremsti maður á føroyska liðnum frá byrjan verður Finnur Justinussen.
Føroyar (4-2-3-1)
Gunnar Nielsen – Gilli Rólantsson, Atli Gregersen, Odmar Færø, Viljormur Davidsen – René Shaki Joensen, Hallur Hansson – Jóan Símun Edmundsson, Brandur Hendriksson, Kaj Leo í Bartalsstovu – Finnur Justinussen
Eykaspælarar: Teitur Matras Gestsson, Kristian Joensen, Alex Mellemgaard, Heini Vatnsdal, Gunnar Vatnhamar, Magnus Egilsson, Eli Falkvard Nielsen, Pól Jóhannus Justinussen, Rógvi Baldvinsson og Klæmint Andrasson Olsen.
Sonni Ragnar Nattestad hevur leikbann til dystin móti Aserbadjan, meðan Jógvan Rói Davidsen er skaddur, og verður heldur ikki við í dystinum móti Kosovo komandi sunnudag.
