Danmark vann 32-16 á Týsklandi í seinasta dystinum í millumspæli í heimsmeistarakappingini í hondbólti fyri kvinnur, sum eru í Spania í hesum døgum.
Donsku spælararnir høvdu roknað at verða trýstar av einum liði, sum hevði vunnið sínar fimm dystir í kappingini higartil. Men týskararnir fingu harðan umgang alt fyri eitt.
– At vit vinna so stórt kom óvart á okkum. Men vit hava øgiligt sjálvsálit, og tað skínir ígjøgnum á vøllinum, sigur Mie Højlund.
Serliga verjan hjá dønum var trupul fyri týskararnar. Og Althea Reinhardt fekk enn einaferð høvi at vísa sínar dygdir í málinum við einum bjargingarprosenti upp á 62.
– Eg brokki meg als ikki. Verjan arbeiddi hart og gav mær góðar arbeiðstreytir. Tað gjørdi arbeiðið hjá mær lættari í málinum.
– Eg vóni, at vit hava givið eini boð um, at vit koyra á av fullum alvi og eru kropsliga sterkar. Tað tær møta okkum, so svíður tað, sigur Althea Reinhardt.
Danmark skal nú møta Brasilia í fjórðingsfinaluni. Og eftir seks sigrar við stórum málmuni eru donskur spælararnir ringir at basa.
Men tað er eingin vandi fyri, at spælararnir verða ov stórlátaðir og fara at slaka upp á spælið, vissar Mie Højlund.
– Líka frá vøllinum, og til vit sita í bussinum á veg heim, eru armarnir oman fyri høvdið.
– Men so fara vit at hugsa um at koma fyri okkum aftur og at at sova. Tí vit vita ikki, hvussu vit standa í mun til mótstøðuliðini, og vit halda okkum ongantíð hava vunnið frammanundan, sigur playmakarin.
Fjórðingsfinalan ímóti Brasilia verður spæld týskvøldið.
/ritzau/
##med2##
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
