Í kvøld klokkan 19 spæla Argentina og Kroatia HM-hálvfinalu í Katar.
Hetta er triðju ferð, at liðini møtast í einum HM-endaspæli.
Í HM-endaspælinum í Fraklandi í 1998 vóru liðini í innleiðandi bólki saman. Tá vann Argentina 1-0. Mauricio Pineda skoraði sigursmálið tá.
Fyri fýra árum síðani í HM-endaspælinum í Russlandi vóru liðini aftur í innleiðandi bólki saman. Tá vann Kroatia heili 3-0. Ante Rebić, Luka Modric og Ivan Rakitić skutu málini hjá Kroatia.
Liðini hava eisini spælt tríggjar venjingardystir móti hvørjum øðrum.
Í 1994 leiktu liðini javnleik 0-0 í Zagreb. Í 2006 spældu liðini ein venjingardyst í Basel í Sveis. Tá vann Kroatia dystin 3-2.
Í 2014 leiktu liðini venjingardyst á Upton Park leikvøllinum í London í Onglandi. Tá vann Argentina 2-1.
HER ber til at síggja hæddarpunktini frá 3-0 sigrinum hjá Kroatia á Argentina í HM-endaspælinum í Russlandi fyri fýra árum síðani:
