Leygardagin var onnur hálvfinala hjá Holte IF og Bárða Mikkelsen. Fyrru hálvfinalu vann Holte, men leygardagin gekk ikki eftir vild, og Holte tapti ímóti Skovbakken úr Århus. Dysturin endaði 3-1 í settum. Settúrslitini vóru 25-19, 25-19, 25-27 og 25-18
Neyðugt er tí við einum triðja dysti, sum skal avgera hvør vinnur sær pláss í finaluni um danska meistaraheitið.Vinnarin av tí avgerandi dystinum skal møta DHG Odense, sum vann seinnu hálvfinalu á Ålborg.
Dysturin millum Holte og Skovbakken verður leiktur komandi sunnudag í Århus.
