Eykaliðið hjá Newcastle skal í kvøld á St. James? Park taka ímóti eykaliðnum hjá Chelsea. Við á liðnum eru Jóan Símun Edmundsson og Sol Campbell. 35-ára gamli Sol Campbell hevur spælt 73 landsdystir fyri Ongland og hevur umboðað feløg sum Tottenham, Arsenal og Portsmouth. Í kvøld skal hann saman við Jóan Símuni Edmundsson royna at vinna á eykaliðnum hjá Chelsea.
Eykaliðið hjá Newcastle hevur í ár spælt tveir dystir. Teir vunnu 3-1 á Sunderland og spældu javnt 2-2 ímóti Liverpool. Tað er framvegis ógreitt um Jóan Símun Edmundsson byrjar inni.
Dysturin byrjar klokkan 19.05 og til ber at fylgja dystinum á www.nufc.co.uk og www.nufc.com.
