Annað føroyingaliðið í íslendsku pepsideildini, ÍBV spældi í dag, og staðfestast má, at tað gekk av skriðuni.
ÍBV spældi á útivølli ímóti Stjarnuni, og talan gjørdist um ein 5-0 stórsigur til Stjarnuna, sum longu í steðginum var á odda 3-0.
Jónas Tór Næs og Kaj Leo í Bartalsstovu vóru við frá byrjan hjá ÍBV. Kaj Leo var skiftur út tá 75 minuttir vóru spældir av dystinum. Tá 53 minuttir vóru farnir av dystinum hevði Kaj Leo í Bartalsstovu eina frísparksroynd, sum miseydnaðist sambært Morgunblaðnum.
Hitt føroyingaliðið, FH sum hevur Gunnar Nielsen í málinum spælir í annaðkvøld klokkan 19 á heimavølli ímóti KA. Komandi sunnudag tekur ÍBV ímóti Víkingi Reykjavík úti á Heimey.
Støðan:
| 1 | Stjarnan | 2 | 1 | 1 | 0 | 7:2 | 4 |
| 2 | FH | 1 | 1 | 0 | 0 | 4:2 | 3 |
| 3 | KA | 1 | 1 | 0 | 0 | 3:1 | 3 |
| 4 | Valur | 1 | 1 | 0 | 0 | 2:0 | 3 |
| 5 | Víkingur Reykjavík | 1 | 1 | 0 | 0 | 2:1 | 3 |
| 6 | KR | 2 | 1 | 0 | 1 | 3:3 | 3 |
| 7 | Grindavík | 1 | 0 | 1 | 0 | 2:2 | 1 |
| 8 | Fjölnir | 1 | 0 | 1 | 0 | 0:0 | 1 |
| 9 | ÍBV | 2 | 0 | 1 | 1 | 0:5 | 1 |
| 10 | ÍA | 1 | 0 | 0 | 1 | 2:4 | 0 |
| 11 | Breiðablik | 1 | 0 | 0 | 1 | 1:3 | 0 |
| 12 | Víkingur Ólafsfjørður | 2 | 0 | 0 | 2 | 1:4 | 0 |
