Japan hevur tikið uppaftur raksturin av heimsins størsta kjarnorkuverki.
Tað sigur stovnurin handan virkið, sum eitur Kashiwazaki-Kariwa, sambært tíðindastovuni AFP.
Virkið hevur ikki verið í rakstri síðani vanlukkuna í Fukushima í 2011.
Endurbyrjanin fór fram í dag, eftir at ein roynd áður skjótt varð steðgað vegna ein lítlan feil, skrivar AFP.
Tað var ein avbjóðing við eftirlitsávaringi í januar, sum noyddi aktørin Tepco at steðga uppstartinum.
Men higartil er bert ein av tilsamans sjey reaktorunum hjá verkinum komin í gongd aftur, skrivar AFP.
Kjarnorkuverkið liggur í Niigata-landslutinum.
Í 2011 rakti ein jarðskjálvti og síðani ein tsunami Japan. Eitt annað kjarnorkuverk, sum liggur í Fukushima, sum varð rikið av Tepco, varð illa rakt.
Jarðskjálvtin og tsunamiin elvdu til eina partvísa niðurbróting í fleiri av reaktorunum á verkinum og førdi til geislavirkið útlát inn í økini kring Fukushima - eisini havið.
Síðani vórðu allir 54 virknu kjarnorkureaktorarnir í Japan tiknir úr nýtslu.
Síðani eru 14 av teimum settir í nýtslu aftur, eftir at nýggjar og strangari trygdarreglur vórðu settar í gildi á japanska kjarnorkuøkinum. Eingin teirra er rikin av Tepco.
Steðgurin av allari kjarnorku í 2011 hevði við sær, at Japan gjørdist bundið av innflutningi av fossilum brennievnum sum olju og gassi úr útlondum.
Men nú vendir Japan aftur til kjarnorku fyri at minka um sín bundinskap og fáa CO2-neutralitet í 2050, skrivar AFP.
Landið vil eisini nøkta vaksandi orkutørvin frá nýtslu av vitlíki.
Konservativi forsætisráðharrin, Sanae Takaichi, sum tryggjaði sær ein stórsigur á valinum í gjár, stuðlar kjarnorku.
Meira heimlig kjarnorka fer at styrkja orkutrygdina í Japan og vera bíligari enn at innflyta orku, eru grundgevingarnar.
Vanlukkan í Fukushima í 2011 verður mett, saman við vanlukkuni í Tsjernobyl í 1986, at vera ein tann ringasta kjarnorkuvanlukkan nakrantíð.
Tepco hevur eisini ábyrgdina av Fukushima Daiichi verkinum, sum varð rakt í 2011. Sambært AFP er kjarnorkuverkið tikið úr nýtslu.
Vegna vanlukkuna er risastóra, Kashiwazaki-Kariwa orkuverknum, sum nú hevur latið uppaftur, útgjørt við millum annað einum 15 metrar høgum tsunamiveggi og øðrum trygdartiltøkum.
/Ritzau/
