Javnleikur 4-4 millum liðini hjá Kaj Leo og Halli

Føroyingauppgerð var á Akranesi í kvøld millum liðið hjá Kaj Leo í Bartalsstovu, Akranes og liðið hjá Halli Hansson, KR. 

Dysturin endaði við einum ótrúliga málríkum 4-4 javnleiki. KR var á odda bæði 3-0 og 4-3, men Akranes megnaði at svara aftur og tryggja sær eitt stig.  Talan var um níggjunda javnleikin hjá KR í 20 dystum. 

Tó møttust Kaj Leo og Hallur ikki á vøllinum. Kaj Leo fór av vøllinum tá 86 minuttir vóru leiktir av dystinum. Hallur kom á vøllin tá 87 minuttir vóru farnir av dystinum. Bert tveir minuttir aftaná hann var komin á vøllin hevði Hallur ein rimmar stútara, ið fór beint framvið málinum hjá Akranesi. Kaj Leo var við í uppspælinum til annað málið hjá Akranesi. 

Akranes 4 - 4 KR

 0-1 Aron Kristófer Lárusson ('14)

 0-2 Sigurður Bjartur Hallsson ('26)

 0-3 Atli Sigurjónsson ('28)

 1-3 Eyþór Aron Wöhler ('36)

 2-3 Gísli Laxdal Unnarsson ('45)

 3-3 Benedikt V. Warén ('46)

 3-4 Atli Sigurjónsson ('53)

 4-4 Eyþór Aron Wöhler ('63)

Gunnar Nielsen sat aftur á beinkinum, og mátti síggja liðfelagarnar í FH spæla javnleik 0-0 móti Leiknum á útivølli. Atli Gunnar Guðmundsson vardi aftur málið hjá FH í kvøld.

Støðan: