Johan Dalsgaard skal ikki flyta úr Fámará ein av næstu døgunum.
Úrskurðurin um kravið frá Búnaðarstovuni, um at Johan Dalsgaard og húskið skulu flyta út í dag, bleiv kunngjørdur í Fútarættinum á middegi í dag.
Johan Dalsgaard skal í løtuni ikki flyta úr Fámará, tí fyrst skal Fiskimálaráðið taka støðu til kæruna, um at Jens Heri Jacobsen úr Sumba fær festið í Fámará.
Hóast eingin endalig avgerð er tikin um Fámará, er Johan Dalsgaard ovurfegin um úrskurðin í Fútarættinum fyrr í dag.
- Nú eri eg ordiliga glaður. Tað hevði verið ringt at farið víðari við kæruni, um vit skuldu flutt, so nú kunnu vit vera heima og kempa víðari, sigur Johan Dalsgaard.
- Vit hava kært avgerðina hjá Búnaðarstovuni, og okkara sakførari, Torkild Høyer, heldur, at vit hava eina ordiliga góða sak.
Hoyr alla samrøðuna við Johan Dalsgaard við at trýsta á pílin undir myndini.
