Tveir aðrir føroyingar sum royna hondbóltseydnuna í Íslandi eru Jónn Rói Torfinnsson og Andri Kristianson Hansen.
Teir spæla við liðum í næstbestu deildini. Jonn Rói spælir við Þór á Akureyri, meðan Andri Kristianson Hansen spælir við Fjölnir.
Farna vikuskiftið gjørdi Jonn Rói veruliga vart við seg, tá hann og liðfelagarnir í Þór á heimavølli vunnu 31-22 (13-7) á Kórdrengum.
Jonn Rói skoraði átta mál, og var kosin dagsins leikari, og fekk eitt gávukort handað aftaná dystin.
Tó eru Þór og Fjölnir langt frá oddinum, og hjá liðunum snýr tað seg meir um at sleppa undan at flyta niður, ið stigatalvan eisini vísir:
Lið: | Dystir | Málmunur: | Stig |
HK | 16 | 544:425 | 31 |
Víkingur | 15 | 480:428 | 21 |
Fjölnir | 15 | 456:452 | 16 |
KA U | 16 | 479:503 | 16 |
Valur U | 15 | 447:436 | 15 |
Haukar U | 16 | 493:482 | 15 |
Fram U | 15 | 457:461 | 13 |
Selfoss U | 16 | 503:540 | 13 |
Þór Akureyri | 15 | 426:425 | 12 |
Kórdrengir | 15 | 377:510 | 2 |