Bæði KÍF og VÍF vunnu sínar dystir um vikuskiftið og liggja nú ávíkavist nummar eitt og tvey í Atlantic Airways deildini.
Í dag tók Neistin móti VÍF á Høllini á Hálsi. VÍF vann dystin 20-14. Filip Jojic gjørdist toppskorari fyri gestirnar við níggju málum, meðan Teitur Magnusson skoraði flest fyri Neistan við seks málum.
Í Kollafirði vann KÍF spennandi dyst móti StÍF. Tað endaði við, at bara eitt mál var á munin, tá samanumkom. Andrias Nielsen og Hans Eli Sigurðbjørnson skutu seks mál í part fyri KÍF, meðan Sveinur Justinussen skoraði níggju fyri StÍF.
Fríggjakvøldið vann Kyndil 30-20 á Team Klaksvík í Klaksvík.
Atlantic Airways deildin:
KÍF StÍF 24-23
Neistin VÍF 14 20
Team Klaksvík Kyndil 20-30
Støðan:
1 KÍF 9(Stig)
2 VÍF 6
3 Kyndil 5
4 StÍF 4
5 H71 4
6 Neistin 2
7 Team Klaksvík 0
