Samhaldsfasti Eftirlønargrunnurin kann ikki seta so frægt av pengum í ein Eysturoyartunnil, at tað ger nakran mun.
Dimmalætting skrivaði í fyrradagin, at nú verða møguleikarnir kannaðir fyri at lata Samhaldsfasta vera við til at fíggja undirsjóvartunlar í Føroyum.
Anfinn V. Hansen, formaður í stýrinum fyri grunnin, hevði ongar viðmerkingar til blaðið.
Men Sigurð Poulsen, sum hevur verið stýrisformaður í nógv ár, sigur, at Samhaldsfasti kann bara pening í partabrøv, sum eru skrásett.
Harafturat kann grunnurin í mesta lagi seta tvey prosent av ognunum í eitt og sama felag.
Hetta er fyri at avmarka vandan fyri tapi og tí at grunnurin skal ikki eiga so mikið í nøkrum felag, at hann hevur beinleiðis ávirkan á raksturin.
Ognirnar hjá Samhaldsfasta eru áleið ein milliard og av teimum hevur grunnurin sett ímillum 100 og 200 milliónir tilsamans í ymisk partabrøv
Men hetta merkir so eisini, at sum støðan er nú, eru 20 milliónir tað mesta, Samhaldsfasti kann seta í eina verkætlan.
Men tað ger ikki serliga stóran mun í eini verkætlan upp á eina til hálvaaðru milliard …
