Marknaður
Kinverska stjórnin leggur nú upp til samráðingar við Chili um eina fríhandilsavtalu millum londini.
Kina er stórur keypari av fiskamjøli úr Chili, sum er heimsins næststørsta framleiðaraland av mjøli. Á fyrsta plássi liggur Peru.
IntraFish skrivar, at Kina kann gerast ein stórur keypari av laksi, tí í pørtum av hesum stóra og fólkaríka landi er laksur høgt í metum.
Mett verður, at sonevndi miðal-klassin í Kina telir 60 miljónir fólk. Fer framgongdin í landinum, sum liggur um 8%, at standa við, verða hesar 60 miljónirnar, 175 miljónir menniskju um eini 5 ár.
Tí verður mett, at Kina kann gerast eitt rættiligt eldorado hjá teimum, sum vilja selja fiskavørur til landið.
