Persónurin, sum í gjár var sæddur í ferð við at klintra upp eftir Eifeltorninum í franska høvuðsstaðnum, París, er nú í varðhaldi hjá løgregluni. Tað upplýsir franska tíðindastovan AFP. Ein talsmaður hjá løgregluni upplýsir sambært AFP, at maðurin varð tikin, eftir at hann klintraði í Eifeltorninum í meira enn seks tímar.
##med2##
Hann er enn ikki eyðmerkur.
Tornið varð í sambandi við hendingina stongt fyri vitjandi, men letur upp aftur í morgun til vanliga tíð.
Eifeltornið varð í gjár evakuerað. Tað upplýsit felagið, sum stendur fyri rakstrinum av torninum. Orsøkin var, at ein persónur var farin at klintra upp í heimsgitna tornið.
– Ein klintrari er saæddur. Tað eru fastar mannagongdir: Vit eru noydd at steðga persóninum, og tí eru vit noydd at evakuerað tornið, sigur eitt starvsfólk hjá felagnum við AFP.
##med3##
Ein talsmaður hjá løgregluni upplýsir, at fleiri sløkkiliðsmenn – teirra millum ein klintriserfrøðingur – var til staðar í torninum. Teir høvdu samband við klintrararn, hvørs motiv enn er ókent.
Enn er ógreitt, hvussu hann megnaði at sleppa ígjøgnum strongu trygdarskipanina í torninum.
##med4##
Tað er ikki fyrstu ferð, at ein persónur klintrar upp í eyðkenda franska tornið. Í 2015 klintraði bretski James Kingston allan vegin upp á toppin av Eifeltorninum uttan nakra trygdarútgerð og uttan loyvi.
Eifeltornið er 324 metrar høgt og er hægsti bygningur í París.
/ritzau/AP
##med5##
##med6##
##med7##
##med8##
##med9##
##med10##
##med11##
Myndir: Charles Platiau/Reuters
