Korona: Hetta mugu vit góðtaka  

Tað eru so nógvir tilburðir av koronu, at okkurt mátti gerast, sigur Bill Justinussen, tingmaður fyri Miðflokkin

Tað er landsstýrið, sum ger av, hvørji tiltøk verða sett í verk fyri at basa koronu, og vit skulu stuðla landsstýrið í teimum avgerðum, sum verða tiknar.

 

Tað sigur Bill Justinussen, løgtingsmaður fyri Miðflokkin. Miðflokkurin hevur tvíhildið um, at vit skulu ikki gera mun á fólki, men eitt av tilmælunum frá landsstýrinum er nettupp at vit skulu hava koronupass fyri at fara á matstovur, á skeinkistøð, á vøllir, ella í hallir at hyggja at ítrótti, á venjingarmiðstøðir, til tannlækna, frisør, fysioterapi, og annað.

 

Bill Justinussen sigur, at tað eru tað er ógvuliga ymsar meiningar um koronupass, og tað eru rættiliga nógv í Miðflokkinum, sum ikki vilja vita av tí. Og ráddi Miðflokkurin einsamallur, høvdu vit neyvan fingið eina skipan við koronupassi, sigur hann. Men sum støðan er, heldur hann, at vit eiga at góðtaka eina slíka skipan.

 

– Tað hevur stóran týdning, at vit ikki læsa okkum føst í eini støðu, sum vit ikki vita so nógv um. Og tá ið hetta er tilmælið frá okkara fremstu serfrøðingum á heilsuøkinum, eiga vit at lurta eftir tí, sigur tingmaðurin fyri Miðflokkin.

 

– Okkurt mátti gerast, tí smittutølini eru ov høg, leggur hann afturat.

 

Tilmælið um, at vit skulu brúka koronupass er bara galdandi, tá ið 16-75 fólk verða smittað um dagin í eina viku. Eru smittutølini minni enn tað, er tilmælið um koronupass ikki galdandi.

 

Og Bill Justinussen heldur, at kynstrið verður nú hjá okkum øllum at vit bera okkum so skynsamt at, at smittutølini fella so nógv, at, at vit sleppa undan skipanini við koronupassi.

 

Annars heldur hann, at tlmælini eru hóskandi, tí vit noyðast at seta tiltøk í verk fyri at berja smittuna niður.