– Í 2011 sendi Reyði Krossur Føroya eina millión krónur til hungursrakt í Eysturafrika. 600.000 krónur av upphæddini vórðu savnaðar inn, tá landsinnsavningin var í 2011.
Hetta svarar til, at hvør bússa í fjør í miðal savnaði 1.500 krónur inn, sigur Reyði Krossur.
– Vónandi savna vit eina líka stóra upphædd inn aftur í ár. Tí fyri 1.500 krónur kunnu vit breyðføða trimum familjum, ið eru raktar av hungursneyð, til næsta akurskurð. Tað merkir, at við 600.000 krónum kunnu vit hjálpa 1.200 familjum, og ger hetta stóran mun, sigur Siri Tórgarð, sum er dagligur leiðari hjá Reyða Krossi.
– Broyt myndina og hjálpið okkum at hjálp leygardagin 6. oktober, sigur hon.
Tey, sum hava gerast innsavnari, kunnu melda til á FB og á reydikrossur.fo. Um tú ert í Havn, kanst tú eisini bara møta í Kommunuskúlanum í Kongagøtu leygarmorgunin klokkan 10.
Eisini ber til at stuðla Reyða Krossi um heimasíðuna, í peningastovninum ella á tlf. 905656.
