Fyri lítlari løtu síðani endaði kurvabóltsdysturin millum Føroyar og Isle of Wight. Dysturin endaði við einum sigri á 99-35 til Isle of Wight, eftir at teir í hálvleikinum vóru á odda 58-18.
Hetta er fyrsta ferðin nakrantíð, at føroyska kurvabóltslandsliðið er við til oyggjaleikir, og teir fingu seg eisini royndar beinavegin. Í fyrstu perioduni av dystinum, sum er teir fyrstu tíggju minuttirnar, vóru Isle of Wight á odda heili 38-5.
Føroysku leikararnir fótaðu sær tó munandi betur undir dystinum, og serliga onnur perioda var góð fyri Føroyar. Aftaná aðru periodu vann Isle of Man 20-13, sum eisini var tann besta føroyska periodan í dystinum.
Seinni í kvøld kemur ein samrøða við Janus Jakobsen út á in.fo, sum serliga greiddi frá, at høga ferðin kom óvart á føroysku leikararnar.
Føroyar – Isle of Wight 35-99 (18-58)
1 Perioda: 38-5
2 Perioda: 20-13
3 Perioda: 24-8
4 Perioda: 17-9
