Nicholas Satchwell, ið er annar av okkara landsliðsmálverjum skiftir felag til komandi kappingarár.
Nicholas skiftir KA Akureyri út við Viking TIF, ið júst hevur vunnið sær uppflyting upp í bestu norsku hondbóltsdeildina.
Høvuðsvenjari hjá Viking TIF, ið hevur heimstað í Bergen er tann í Føroyum væl kendi Sonni Larsen.
Nicholas hevur gjørt tvey ára sáttmála við Viking TIF.
Nicholas hevði flest bjargingar í grundspælinum í bestu íslendsku deildini, har hann megnaði at geva íslendsku málverjulegenduni, Bjørgvin Pálli Gústavssyni bakhjól.
