Tað verður helst við fýra í verjuni, at Føroyar taka ímóti Lettlandi leygardagin í EM undankappingini. Eftir at hava spælt við trimum í miðverjuni móti Portugal og Andorra, so ætlar Lars Olsen at skifta aftur til eina verju við fýra.
Hoyr samrøðuna við Lars Olsen við at trýsta á pílin undir myndini
- Tað er møguligt, at vit spæla við fýra í verjuni móti Lettlandi, tí tað vænti eg passar okkum betri, sigur Lars Olsen.
Les meir: Vit gita liðið - Sonni Ragnar aftur á liðnum
Til venjingina í gjár vandi hann við Atla Gregersen og Sonna Ragnar Nattestad í miðverjuni, meðan Jónas Tór Næs og Viljormur Davidsen var á vinstra bakki. Tó verður ikki talan um tveir framherjar.
- Vit royndu okkum við tveimum framherjum móti Sveis, men tað riggaði ikki ordiliga. So tað kemur nokk meiri at líkjast eina 4-4-1-1, har vit hava ein framrættaðan miðvallara og ein áleypara, sigur Lars Olsen.
Rás2 sigur frá landsdystinum, sum verður á Tórsvølli klokkan 17.
