Í fjør fingu tey fimtan ítróttarfeløgini 30.000 krónur í part, men tað er ikki vist, at upphæddin verður meir í ár. Birgir Sondum í Tórshavnar Ítróttarráð sigur, at tvey feløg eru komin aftrat í ár.
Umframt at peningurin skal býtast millum 17 feløg, so eru útreiðslurnar eisini fleiri hesaferð, sigur hann.
Metinntøka
Tað eru Kristianna Høgnesen og Birgir Sondum, ið manna nevndina í Tórshavnar Ítróttarráð. Kristianna hevur verið í ráðnum í sekstan ár og Birgir í tólv ár.
Ongantíð í okkara tíð hevur inntøkan verið so stór, sigur Birgir Sondum.
Tey bæði eru eisini á einum máli um, at ítróttarfeløgini hava gjørt eitt megnar arbeiði hesaferð og eiga rós uppiborið.
Hetta er fyrsta ferðin, at allir básarnir hava verið røktir til fulnar, og tað hevur givið tað góða úrslitið, sigur Birgir Sondum.
