Óli Jacobsen, fyrrverandi formaður í Fiskimannafelagnum og núverandi journalistur á Sosialinum,
sigur, at hann ongantíð hevur tikið koyrikort og heldur ongantíð koyrt bil.
Hóast konan og tey flestu av børnunum hava koyrikort og tveir bilar eru í húsinum, hevur Óli ongar ætlanir um at taka koyrikort. Hann er í dag 65 ára gamal.
Í sendingini sigur hann frá, hvussu tað var í Gøtu, har hann vaks upp, og hvussu hann minnist teir sum koyrdu rutukoyring har. Hann hevur ferðast nógv uttanlands og hevur verið úti fyri onkrum óhappi í ferðsluni, bæði á súkklu og sum fótgangari uttanlands.
Óli letur væl at ferðsluni í Føroyum sum fótgangari, men hevur tó onkur hjartasuff í sambandi við bussar og buss-stoppistøð. Hann brúkar nógv bussarnar, bæði Bussleiðina í Havn og Bygdaleiðir.
Sendingin Bilradio á Rás2 har Óli er gestur, verður endursend leygarmorgunin 20. desember kl. 10.
mg
