Føroyski landsliðsmálverjin, Annika Fríðheim Petersen og liðfelagarnir í Follo vunnu í kvøld fyrsta sigurin í bestu norsku hondbóltsdeildini hetta kappingarárið.
Follo vann 30-23 á Tertnes. Í steðginum var Follo á odda 16-11.
June Cecilie Krogh vardi málið hjá Follo tað mesta av tíðini. Onkra hendinga løtu slapp Annika upp í part at verja málið hjá Follo.
Follo hevur tvey stig aftaná tveir teir fyrstu dystirnar í kappingini.
Sunnudagin tekur Follo móti Molde.
