Farna kappingarár vóru Jóan Símun Edmundsson og liðfelagarnir í Shkupi leingi við í meistarastríðnum í bestu norðurmakedonsku fótbóltsdeildini.
Higartil hetta kappingarárið aftaná 10 umfør hevur Shkupi ikki víst taktirnar, at teir ætla at vera við í meistarastríðnum.
Jóan Símun og liðfelagarnir í Shkupi leiktu í dag á útivølli javnleik 0-0 móti Pellister. Talan er um fjórða javnleikin hjá Shkupi í 10 teimum fyrstu umførunum hetta kappingarárið.
Shkupi er nummar seks í deildini við 13 stigum. Shkupi hevur níggju stig upp til oddaliðið, Rabotnicki sum hevur 22 stig á fremsta plássinum.
Komandi mikudag klokkan 13 spælir Shkupi áttandapartsfinalu í norðurmakedonsku steypakappingini. Dysturin verður á útivølli móti Sileks.