Aftur gjáramorgunin var løgreglan í Eysturoy og gjørdi ferðmátingar, og enn einaferð vóru tey á vegastrekkinum Millum Fjarða. Haraftrat var løgreglan á Fuglafjarðarvegnum.
Úrslitið av hesum kanningum var, sigur vaktleiðarin í morgun, at tveir biførarar fingu klipp í koyrikortið fyri at koyra ávikavist 105 og 108 kilometrar um tíman.
- Á Fuglafjarðarvegnum varð ein bilførari máldur at koyra 117 kilometrar um tíman. Hesin missir koyrikortið treytað og noyðist soleiðis upp til nýggja koyriroynd.
Vaktleiðarin visti í morgun at siga, at tveir bilførarar eisini vórðu tiknir fyri at brúka hondhildna fartelefon, meðan teir koyrdu.
- At brúka hondhildna fartelefon, meðan koyrt verður, gevur nú 1500 krónur í bót og klipp í koyrikortið, visti vaktleiðarin at siga í morgun.
