Eingin ivi er um, at løgtingsvalið eisini fyllir sín part í føroyska fólkaskúlanum í hesum døgum.
Við støði í valplakatum til løgtingsvalið 1. september, hevur Nám gjørt temasíðu á Snar.
Á heimasíðu sínari sigur Nám, at temasíðan er ætlað miðdeild og hádeild í fólkaskúlanum, og at hon kann brúkast í søgu, føroyskum og myndlist.
Undirvísingarupplegg eru gjørd um tekst- og myndabrúk á valplakatum og á heimasíðum hjá teim sjey politisku flokkunum, sum stilla upp til løgtingsvalið.
