USA-Irak
Ramsey Clark, sum kom til Bagdad í gjár, vil vera við, at tað veruliga málið við amerikansku álopsætlanunum á Irak er at fáa ræðið á teimum ríku oljuleiðunum við Persaflógvan. Tosið um iraksk hópoyðingarvápn er ikki annað enn eitt skjálkaskjól, segði hann.
Fyrrverandi løgmálaráðharrin sigur, at USA er longu í kríggi við Irak hvønn einasta dag, og tað eigur tað vanliga amerikanska fólkið at skilja.
Ramsey Clark er í Irak saman við einar amerikanskari nevnd, sum hevur sett sær fyri at vísa á, hvussu nógv irakska fólkið líður undir teimum tiltøkum, sum ST setti í verk aftan á Flógvakríggið.
