Í dag kl 15 fer Tórbjørn Jacobsen, borgarstjóri í Runavík, at seta málningaframsýning í Skúlanum við Løkin, tá kór Glyvra kirkju eisini syngur.
Peningurin, sum kemur inn frá tiltakinum, fer óskerdur til skótahúsið við Løkin, sum er karmur um arbeiðið hjá skótunum á Skálafjørðinum.
Hetta er eitt afturvendandi tiltak, sum hevur verið væl vitjað. Framsýnarar eru fólk, sum royna seg fyri fyrstu ferð, saman við nógvum royndum listafólkum.
Øll eru vælkomin, siga KFUM-skótarnir við Løkin.
