Altjóða hondbóltsdómarin, Eyðun Samuelsen heldur ikki, at myndin í millumbólki 1 broyttist tað stóra fyri Spania, hóast Spania tapti 28-31 ímóti Danmark í Boxen í Herning leygarkvøldið.
Eyðun trýr snøgt sagt ikki uppá, at Eysturríki kann gera nakað við Spania í dystinum, sum byrjar klokkan 17.15 í dag. Ísland spælir ímóti Makedonia klokkan 15 í dag. Eyðun metir frændir okkara eystan hav at verða favorittur ímóti Makedonia, men íslendingar hava Danmark mikudagin, og kunnu í mesta lagi fáa 7 stig. Eyðun er ikki í iva um, at Spania røkkur 8 stigum, aftaná dystirnar ímóti Eysturríki og Makedonia, og at Danmark við sigri á Ungarn í kvøld kemur uppá 8 stig. Dysturin millum Danmark og Ungarn byrjar klokkan 19.15 í kvøld.
Støðan í millumbólki 1 :
1. Danmark 6 stig
2. Spania 4 stig
----------------------
3. Ísland 3 stig
4. Ungarn 3 stig
5. Makedonia 2 stig
6. Eysturríki 0 stig
Í millumbólki 2 metir Eyðun, at Frakland er komið á slóðina aftur. Hann heldur Kroatia verða favoritt til at taka 2. plássið í bólkinum. Hann metir ikki, at Svøríki røkkur einum hálvfinaluplássi á hesum sinni.
Støðan í millumbólki 2:
1. Frakland 6 stig
2. Kroatia 4 stig
-----------------------
3. Pólland 4 stig
4. Svøríki 4 stig
5. Russland 0 stig
6. Hvítarussland 0 stig
Undir myndini ber til at hoyra tað, sum Eyðun Samuelsen segði um EM í morgunsendingini hjá Rás2 í morgun.
