Um vikuskiftið hevur 3. umfar í Premier League verið. Manchester City setti síni fyrstu stig til, meðan Arsenal nú er einasta liðið við fullum stigatali. Manchester United vann á arvafíggindanum úr Liverpool, og er nú ikki longur aftast í Premier League.
Arsenal og nýggja innkeypið, Gabriel Jesus, drøna avstað í oddinum. Arsenal vann 3-0 á útivølli móti AFC Bournemouth. Stórfavoritturin at vinna Premier League, Manchester City, setti síni fyrstu stig til í dystinum móti Newcastle. Tað endaði 3-3 eftir ein spennandi dyst, har Newcastle eitt skifti var á odda 3-1.
Í gjár var dystur á Old Trafford millm Manchester United og Liverpool. Tað var lagt upp til mótmælisgongu móti eigaraviðurskiftunum hjá Glazer familjuni, men tað endaði í fagnarrópi, tí Manchester United vann 2-1.
Sermerkt við dystinum var, at spælarar sum Harry Maguire, Luke Shaw og Cristiano Ronaldo allir vóru á bonkinum. Við sigrinum er Manchester United ikki longur uttan stig. Tað er nú bara West Ham, sum einki stig hevur fingið fyrstu trý umførini.
| 1 | Arsenal | 3 | 3 | 0 | 0 | 9:2 | 9 |
| 2 | Manchester City | 3 | 2 | 1 | 0 | 9:3 | 7 |
| 3 | Leeds | 3 | 2 | 1 | 0 | 7:3 | 7 |
| 4 | Tottenham | 3 | 2 | 1 | 0 | 7:3 | 7 |
| 5 | Brighton | 3 | 2 | 1 | 0 | 4:1 | 7 |
| 6 | Newcastle | 3 | 1 | 2 | 0 | 5:3 | 5 |
| 7 | Fulham | 3 | 1 | 2 | 0 | 5:4 | 5 |
| 8 | Brentford | 3 | 1 | 1 | 1 | 8:5 | 4 |
| 9 | Crystal Palace | 3 | 1 | 1 | 1 | 4:4 | 4 |
| 10 | Nottingham Forest | 3 | 1 | 1 | 1 | 2:3 | 4 |
| 11 | Southampton | 3 | 1 | 1 | 1 | 5:7 | 4 |
| 12 | Chelsea | 3 | 1 | 1 | 1 | 3:5 | 4 |
| 13 | Aston Villa | 3 | 1 | 0 | 2 | 3:6 | 3 |
| 14 | Manchester United | 3 | 1 | 0 | 2 | 3:7 | 3 |
| 15 | Bournemouth | 3 | 1 | 0 | 2 | 2:7 | 3 |
| 16 | Liverpool | 3 | 0 | 2 | 1 | 4:5 | 2 |
| 17 | Everton | 3 | 0 | 1 | 2 | 2:4 | 1 |
| 18 | Wolves | 3 | 0 | 1 | 2 | 1:3 | 1 |
| 19 | Leicester | 3 | 0 | 1 | 2 | 5:8 | 1 |
| 20 | West Ham | 3 | 0 | 0 | 3 | 0:5 | 0 |
