Margretha drotning hevur verið undir ballónvíðkan av krúnulívæðrini í hjartanum, eftir at hon hósdagin varð innløgd við hjartatilburði.
Tað skrivaði kongshúsið í tíðindaskrivi í gjár, har sagt verður, at drotningin er "hevur tað gott".
Hon verður verandi á Rigshospitalet, har hon er innløgd, "í nakrar dagar afturat". Tað er ikki greitt, hvussu nógvar dagar drotningin væntandi verður innløgd.
Ein ballónvíðkan fjernar eina smalking ella blóðtøpp í kransæðrini, soleiðis at blóðveitingin til hjartað verður betrað.
Seinnapartin í gjár varð hon innløgd á Rigshospitalet vegna hjartatilburð. Sagt varð, at 86 ára gamla drotningin var troytt men í við gott mót.
Hjartatilburðir standast í høvuðsheitum av kálking í krúnulívæðrum í hjartanum, sum merkir, at ikki nóg mikið av súrevni verður veitt hjartanum. Vandin fyri at fáa hjartatilburð økist við aldrinum.
Margreta drotning hevur verið innløgd á Rigshospitalet fleiri ferðir seinastu árini.
Hon fekk eisini eina stóra ryggskurðviðgerð í februar 2023, sum hevði givið henni orsøk til at umhugsa sín leiklut sum regentur.
Hetta gjørdi hon sjónvarpshyggjarum greitt í nýggjársrøðuni hetta árið, tá hon boðaði frá, at hon fór at leggja frá sær og lata elsta soninum trónuna.
januar 2024 - 52 ár eftir at drotningin sjálv tók trónuni - tók Fríðrikur við sum kongur.
Drotningin varð seinast innløgd í mai 2025. Tá var hon innløgd til eygleiðingar orsakað av forkølilsi.
Hetta varð gjørt "sum fyrivarni", segði kongshúsið tá. Hon varð útskrivað eftir fáum døgum.
Árið fyri var hon innløgd eftir at hon var dottin og var í sjúkrafarloyvi í longri tíð.
Sjúkrafráveran hevur eisini havt við sær, at Margreta drotning hevur noyðst at sleppa embætisskyldum, sum hon annars hevur minkað, síðani hon legði frá sær.
Seinnapartin í dag vísti kongaliga kalendarin, at næsta embætisskylda, sum Margreta drotning skal vera frumsýningina av "Fyrtøjet" í Pantomime-leikhúsinum í Tivoli 23. mai.
Stjórin í Tivoli, Susanne Mørk, sigur, at Tivoli "enn ikki hevur tikið endaliga avgerð um nakrar broytingar í skránni".
/Ritzau/
