Martin Agnarsson, sum í fjør fekk sínar fyrstu manslandsliðsminuttir, sær út til at hava vunnið sær eitt ávíst álit í Viborg FF. Hann spældi allan seinna hálvleiki í venjingardystinum móti Vendsyssel FF, sum spælir í næst bestu deildini.
Viborg FF spældi fríggjadagin ársins fyrsta venjingardyst í nakað av vindi og regni á vøllinum í Rughavevej. Undan dystinum var greitt, at teir grønu úr Viborg fóru at skifta alt liðið í hálvleikinum.
Í fyrra hálvleiki kom Vibrog á odda 1-0. Í hálvleikinum kom føroyski Martin Agnarsson á vøllin sum ein av 11 innskiftarum. At síggja til spældi hann á vinstra bakki. Í B36 spældi Martin Agnarsson bæði á miðjuni og á vonginum, men í Viborg verður hann roknaður sum ein vinstri bakkur.
Hóast sín unga aldur, so hevur Martin Agnarsson fingið eitt eitt ávíst álit í Viborg. Hann er skiftur inn í bæði Superliguni og í steypakappingini. Nú er hann ein av 22 spælarum, sum fekk ein hálvleik í ársins fyrsta venjingardysti.
Viborg FF – Vendsyssel FF 2-0
1-0 Jan Zamburek (28.)
2-0 Clint Leemans (63.)
Liðið fyrra hálvleik:
Lucas Lund – Jonas Thorsen, Nicolas Bürgy, Mads Lauritsen, Daniel Anyembe – Jakob Vester, Mads Søndergaard, Jakob Bonde – Jan Zamburek, Alassana Jatta, Ibrahim Said
Liðið seinna hálvleik:
Mikkel Andersen – Anton Gaaei, Zan Zaletel, Lamin Jawara, Martin Agnarsson – Clint Leemans, Jeppe Grønning, Sofus Berger – Nils Mortimer, Marokhy Ndione, Elias Achouri